पालघरमधून बहुजन विकास आघाडीचे बळीराम जाधव विजयी

महाराष्ट्रात दुसरा निकाल पालघर लोकसभा मतदारसंघाचा जाहीर झाला असून बहुजन विकास आघाडीचे बळीराम जाधव विजयी झाले आहेत. या मतदारसंघात चौरंगी लढत होती. काँग्रेसचे दिग्गज उमेदवार दामु शिंगडा, भाजपाचे चिंतामण वणगा आणि माकपचे लहानु कोम यांना आस्मान दाखवत जाधवांनी विजय संपादन केला.

त्या आधी महाराष्ट्रात पहिला निकाल सातारचा होता.. सातारा लोकसभा मतदारसंघातुन राष्ट्रवादी काँग्रेसचे छत्रपती उदयनराजे भोसले विजयी झाले आहेत. उदयनराजे भोसले यांना 5,32,583 मतं मिळाली तर त्यांचे प्रतिस्पर्धी पुरुषोत्तम जाधव यांना 2,35,068 मतं मिळाली. जवळपास 85,000 मताधिक्क्याने ऊदयनराजे विजयी झाले आहेत